vendredi 1 juillet 2011

Chjuditura di T&F pà dui mesa




Cari tutti,

Tarrori è Fantasia chjudi a so prima staghjoni. Da uttrovi 2010 à ghjunghju 2011 seti stati numarosi à participà, autori è littori, cù più di 38 000 pagini visti, è guasgi un centu d'intrati diffarenti. U contu di i testi ùn l'aghju micca fattu, ma credu ch'hè unu sprupositu, chì hà fattu di 'ssu bloggu una riescita chì mancu pinsaiu ch'idda era pussibuli.

Luddu è Austu sarani dunca i mesa di u riposu, è à tempu pirmittarani di ricarcà i battarii, ancu sì i testi in riserva n'avemu uni pochi pà a riintrata. Frattempu, pudeti sempri mandà i vosci testi à marco.biancarelli@orange.fr. Senza missi in pagina particulari pà facilità u travaddu finali d'edizioni. Parlendu d'edizioni, pudemu attaccà quì, sì vo vuleti, una discursata annant'à i pussibilità di buscà un editori pà publicà un mischiu di 'ssa prima staghjoni.

Eccu, vi ringraziu à tutti pà a voscia participazioni. È intantu vi docu un appuntamentu pà sittembri 2011.

À prestu !

4 commentaires:

  1. Ringraziamenti particulari à Stefanu Cesari, chì hà stallatu annant'à u situ a funzioni "printable version", chì permetti di stampà i testi in pdf.

    RépondreSupprimer
  2. Un libru di T&F staghjone 1, perche micca ?
    Ci vurrianu disegni fantastichi

    RépondreSupprimer
  3. Dighjà una simana dapoi a chjuditura di T&F, è ne semu à tre suicidii d'addisperu...
    Me stessu, mi dumandu s'è ùn aghju micca dà accurtà i me ghjorni. Ma innanzi tuttu, aghju à suldà i me conti, ci n'hè chi n'anu da pagà, Ah Ah Ah !
    Petru u Stirpadore

    RépondreSupprimer
  4. Serà un'epidemia? Avà u foru corsu chjode per qualchì tempu dinù !! ci serà statu u tazzu ?

    RépondreSupprimer